«The Web of Science Award 2020» халықаралық ғылыми сыйлығының иегері (Clarivate Analytics, АҚШ)
2020 жылдың қараша айында профессор Мақсат Қасен ғылыми зерттеулердегі жетістіктері үшін әлемге әйгілі академиялық Clarivate Analytics агенттігінің беделді халықаралық ғылыми сыйлығы – The Web of Science Award 2020 сыйлығын алды. Штаб-пәтері Филадельфияда (Пенсильвания штаты, АҚШ) орналасқан Clarivate Analytics — әлемге әйгілі ғылыми ақпарат агенттігі. Ол белгілі және жоғары беделді ғылыми дәйексөздер дерекқорларын және Web of Science мен Scholar One сияқты жоғары әсерлі рецензияланатын журналдарды индекстейді.
Жыл сайын Clarivate Analytics әлемдік деңгейде жоғары білім мен ғылыми зерттеулерді дамытуға қосқан үлесі ең маңызды болып табылатын ғалымдарға дүние жүзіндегі беделді халықаралық «The Web of Science Award: Leader of Science» ғылыми сыйлығын ұсынады. Бұл халықаралық ғылыми сыйлық әлемдік және аймақтық академиялық қауымдастықтың ең беделді марапаттарының бірі болып табылады.
Осыған орай, профессор Мақсат ҚАСЕН электрондық үкімет құбылысын зерттеудегі жоғары ғылыми нәтижелер үшін «The Web of Science Award 2020: Leader of Science» – «Әлеуметтік ғылымдар саласындағы басылымдардың көшбасшысы» аталымында ие болды.
